Cofnodion - Y Pwyllgor Busnes

Lleoliad:

Swyddfa’r Llywydd, 4ydd llawr - Tŷ Hywel

Dyddiad: Dydd Mawrth, 21 Tachwedd 2017

Amser: 08.30 - 09.15

Preifat

------

Yn bresennol

Categori	Enwau
Aelodau’r Pwyllgor:	Elin Jones AC, Llywydd (Cadeirydd) Julie James AC Paul Davies AC Rhun ap Iorwerth AC Gareth Bennett AC
Staff y Pwyllgor:	Aled Elwyn Jones (Clerc)
Eraill yn bresennol	Ann Jones AC, Y Dirprwy Lywydd Manon Antoniazzi, Prif Weithredwr a Chlerc y Cynulliad Christopher Warner, Pennaeth Gwasanaeth y Pwyllgorau Polisi a Deddfwriaeth Siân Wilkins, Pennaeth Gwasanaeth y Siambr a Phwyllgorau Helen Carey, Llywodraeth Cymru Gwion Evans, Pennaeth Swyddfa Breifat y Llywydd Rhuanedd Richards, Cynghorwr Polisi i'r Llywydd

<AI1>

1 Cyflwyniadau, ymddiheuriadau a dirprwyon

</AI1>

<AI2>

2 Cofnodion y cyfarfod blaenorol

Cytunodd y Pwyllgor ar y cofnodion ar gyfer eu cyhoeddi.

</AI2>

<AI3>

3 Trefn busnes

</AI3>

<AI4>

3.1 Papur 1 – Busnes yr Wythnos Hon

Dydd Mawrth

· Ychwanegodd y Llywodraeth ddatganiad at agenda Cyfarfod Llawn dydd Mawrth:

- Y Gweinidog Diwylliant, Chwaraeon a Thwristiaeth: Dyfodol Cadw (30 munud)

· Byddai pob pleidlais mewn perthynas â'r Bil Anghenion Dysgu Ychwanegol a'r Tribiwnlys Addysg (Cymru) yn digwydd yn ystod trafodion Cyfnod 3.

· Cadarnhaodd Gweinidog Busnes y Llywodraeth y byddai'r pleidleisio ar bob eitem arall o fusnes yn cael ei gynnal cyn i drafodion Cyfnod 3 ddechrau.

· Dywedodd y Llywydd wrth y Rheolwyr Busnes y byddai egwyl o 15 munud cyn i drafodion Cyfnod 3 ddechrau.

Dydd Mercher

· Byddai'r Cyfnod Pleidleisio yn cael ei gynnal cyn y Ddadl Fer.

</AI4>

<AI5>

3.2 Papur 2 – Amserlen Busnes y Llywodraeth ar gyfer y tair wythnos nesaf

Nododd y Pwyllgor Busnes amserlen busnes y Llywodraeth ar gyfer y tair wythnos nesaf.

</AI5>

<AI6>

3.3 Papur 3 – Amserlen Busnes y Cynulliad ar gyfer y tair wythnos nesaf

Penderfynodd y Pwyllgor Busnes ar drefn busnes y Cynulliad a chytunodd i gynnwys yr eitemau o fusnes a ganlyn ar yr amserlen:

Dydd Mercher 29 Tachwedd 2017 -

· Cynnig o dan Reol Sefydlog 17.2 i roi cyfarwyddyd i'r Pwyllgor Craffu ar Waith y Prif Weinidog (60 munud)

Dydd Mercher 6 Rhagfyr 2017 –

· Dadl ar adroddiad y Pwyllgor Deisebau ar Fynediad at Drafnidiaeth ar gyfer Pobl Anabl (60 munud) - wedi'i ohirio

· Dadl ar y ddeiseb 'Cymuned Port Talbot yn erbyn yr Archgarchar' (60 munud)

Dydd Mercher 13 Rhagfyr 2017 –

· Dadl ar adroddiad y Pwyllgor Newid Hinsawdd, Amgylchedd a Materion Gwledig: Heb gyrraedd gwreiddyn y mater: uchelgais newydd ar gyfer polisïau coetiroedd (60 munud)

· Dadl Aelodau o dan Reol Sefydlog 11.21(iv) (60 munud)

· Amser a neilltuwyd i Blaid Annibyniaeth y Deyrnas Unedig (60 munud)

·

</AI6>

<AI7>

3.4 Papur 4 - Dadl Aelodau: Dewis y Cynnig ar gyfer y Ddadl

· Dewisodd y Pwyllgor Busnes gynnig ar gyfer dadl ar 29 Tachwedd:

NNDM6521

Mike Hedges (Dwyrain Abertawe)

Dawn Bowden (Merthyr Tudful a Rhymni)

Simon Thomas (Canolbarth a Gorllewin Cymru)

David Melding (Canol De Cymru)

Cynnig bod Cynulliad Cenedlaethol Cymru:

1. Yn cydnabod y gall inswleiddio waliau ceudod, pan y caiff ei wneud yn gywir mewn eiddo addas, fod yn ffordd gost effeithiol o leihau biliau tanwydd, gan gyfrannu at leihau allyriadau carbon a thlodi tanwydd.

2. Yn credu, fodd bynnag, fod lleiafrif sylweddol o osodiadau yn parhau mewn eiddo anaddas ac eiddo nad yw'n cydymffurfio â safonau gwaith da, a bod ceisio cael iawn am hynny yn aml yn anodd a'r iawndal yn aml yn annigonol neu'n amhosibl ei gael.

3. Yn annog Llywodraeth Cymru i weithio gyda Llywodraeth y DU, Cavity Insulation Guarantee Agency ac eraill i ddarparu iawndal priodol ac iawndal ar gyfer gwaith a gaiff ei osod yn anghywir, ac i gryfhau'r prosesau ar gyfer diogelu defnyddwyr yn y dyfodol.

· Cytunodd y Rheolwyr Busnes i gynnal y Ddadl Aelod Unigol nesaf ar 13 Rhagfyr.

</AI7>

<AI8>

4 Y Cyfarfod Llawn

</AI8>

<AI9>

4.1 Papur 5 - Cynnig o dan Reol Sefydlog 17.2 - cais am ddadl

Cytunodd y Rheolwyr Busnes i neilltuo amser i gynnal dadl yn y Cyfarfod Llawn ar y Cynnig o dan Reol Sefydlog 17.2 i roi cyfarwyddyd i'r Pwyllgor Craffu ar Waith y Prif Weinidog, ddydd Mercher nesaf, 29 Tachwedd, yn ogystal â'r busnes arall a drefnwyd. 

Ymataliodd Julie James rhag pleidleisio, gan nad oedd wedi trafod y mater â'i grŵp, ond nid oedd yn dymuno rhwystro'r ddadl rhag cael ei threfnu. Fodd bynnag, dywedodd ei bod yn disgwyl y byddai'r llywodraeth yn cyflwyno gwelliannau i'r cynnig, i egluro rhai rhannau o'r cylch gorchwyl.

Datganodd Rhun ap Iorwerth ei farn y dylai'r Cynulliad ystyried penodi Dyfarnwr Annibynnol ar gyfer Cod y Gweinidogion, yn rhan o'i ystyriaeth o'r mater hwn.

</AI9>

<AI10>

5 Pwyllgorau

</AI10>

<AI11>

5.1 Papur 6 - Cais am Ddadl Pwyllgor

Cytunodd y Rheolwyr Busnes i'r cais gan y Pwyllgor Deisebau i gynnal dadl ar y ddeiseb 'Cymuned Port Talbot yn erbyn yr Archgarchar', sydd wedi cael 8,791 o lofnodion.  Trefnir y ddadl ar gyfer 6 Rhagfyr yn lle'r ddadl ar adroddiad y Pwyllgor Deisebau ar Sicrhau y gall Pobl Anabl Ddefnyddio Trafnidiaeth Gyhoeddus. Caiff y ddadl honno ei haildrefnu i'w chynnal yn gynnar yn y flwyddyn newydd. Dywedodd Arweinydd y Tŷ y byddai gan y llywodraeth ragor o wybodaeth newydd gan y Weinyddiaeth Gyfiawnder i'w rhannu pe byddai'r ddadl yn cael ei chynnal yn y flwyddyn newydd, ond ei bod yn fodlon cyd-fynd â barn y mwyafrif.

</AI11>

<AI12>

5.2 Papur 7 - Cais gan y Pwyllgor Newid Hinsawdd, Amgylchedd a Materion Gwledig i gynnal ymweliadau â Senedd yr Alban a San Steffan

Cytunodd y Rheolwyr Busnes i'r cais gan y Pwyllgor Newid Hinsawdd, Amgylchedd a Materion Gwledig i gael eu hesgusodi o'r Cyfarfodydd Llawn ar 29 Tachwedd 2017 a 6 Rhagfyr 2017, â'r disgwyliad y byddai'r chwipiau yn gwneud trefniadau i hwyluso hyn.

</AI12>

<AI13>

6 Deddfwriaeth

</AI13>

<AI14>

6.1 Papur 8 - Memorandwm Cydsyniad Deddfwriaethol ar Fil yr Undeb Ewropeaidd (Ymadael).

Ar ôl cael cais gan y Pwyllgor Materion Allanol a Deddfwriaeth Ychwanegol, cytunodd y Rheolwyr Busnes i gyfleu i'r Pwyllgor hwnnw ac i'r Pwyllgor Materion Cyfansoddiadol a Deddfwriaethol y byddai'n well ganddynt ymestyn y dyddiad cau i 13 Rhagfyr 2017 er mwyn bod yn ddigon hyblyg i allu cynnal dadl yn gynnar yn y flwyddyn newydd pe byddai angen, a rhag i ddigwyddiadau achosi i'r adroddiadau fynd yn angof.  Cadarnhaodd y Llywodraeth y byddai'n cyflwyno rhagor o Femoranda Cydsyniad Deddfwriaethol ar welliannau newydd o sylwedd yn ôl yr angen.

</AI14>

<AI15>

7 Amserlen y Cynulliad

</AI15>

<AI16>

7.1 Papur 9 - Dyddiadau'r toriadau

Cadarnhaodd y Rheolwyr Busnes y dyddiadau a ganlyn ar gyfer toriad hanner tymor y Sulgwyn a thoriad yr haf yn 2018, a chytunwyd y dyddiadau a ganlyn dros dro ar gyfer hanner tymor mis Hydref a thoriad y Nadolig 2018.

Toriad	Dyddiadau
Hanner tymor y gwanwyn 2018 (1 wythnos)	Dydd Llun 19 Chwefror 2018 – dydd Sul 25 Chwefror 2018
Toriad y Pasg 2018 (3 wythnos)	Dydd Llun 26 Mawrth 2018 – dydd Sul 15 Ebrill 2018
Hanner tymor y Sulgwyn 2018 (1 wythnos)	Dydd Llun 28 Mai – dydd Sul 3 Mehefin 2018
Toriad yr Haf 2018 (8 wythnos)	Dydd Llun 23 Gorffennaf 2017 – dydd Sul 16 Medi 2018
*Hanner Tymor yr Hydref 2018 (1 wythnos)	Dydd Llun 29 Hydref 2018 – dydd Sul 4 Tachwedd 2018
* Toriad y Nadolig 2018 (3 wythnos)	Dydd Llun 17 Rhagfyr 2018 - dydd Sul 6 Ionawr 2019

* Dyddiadau dros dro i'w cadarnhau gan y Pwyllgor Busnes.

</AI16>

<AI17>

8 Y Pwyllgor Busnes

</AI17>

<AI18>

8.1 Papur 10 - Cwestiynau Llafar y Cynulliad

Cytunodd y Rheolwyr Busnes i ohirio'r eitem hon hyd gyfarfod yn y dyfodol.

</AI18>

<TRAILER_SECTION>

</TRAILER_SECTION>

<LAYOUT_SECTION>

1.FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2FIELD_TITLE

</TITLE_ONLY_SUBNUMBER_LAYOUT_SECTION>